lakṣmīdharakaveḥ sūktiśarandambhojasaṃbhṛtaḥ
advaitamakarando 'yaṃ vidvadbhṛṅgair nipīyatāṃ // 27 //

Comm: lakṣmīdhara iti grantharttunāma sa cāsau kaviḥ sarvajñaḥ krāntadarśī
tasya sūktaya eva śaradambhojāni taiḥ saṃbhṛtaḥ saṃpanno 'yaṃ sarvair anubhūyamono dvaitamakarandaḥ advaitaṃ brahmaiva rasaḥ //
etam eva rasaṃ sākṣāl labdhvā dehī sanātanaṃ
sukhī bhavati sarvatra nānyathā surapuṅgavā //
iti brahmagītāvacanāt // vidvadbhṛṅgair vidvāṃsa eva bhṛṅgāḥ brahmarasajñātvāt tair nipīyatāṃ nitarām ātmajñānanivṛttiparyantaṃ punaḥ punaḥ sevyatāṃ //
vicāryāpy āparokṣeṇa brahmātmānaṃ na vetti cet
āparokṣyāvasānatvād bhūyo bhūyo vicārayet //
iti śrībhāratītīrthavacanāt //
yady apy atra pratiślokaṃ bahuvaktavyam asti tathāpi mandabuddhīnāṃ vyutpādanārthaṃ
pravṛttena mayā granthakāṭhiṇyagauravabhayād uparataṃ//
advaitamakarandasya rasābhivyañjikā kṛtā //
svayaṃprakāśayatinā puruṣottamaśāsanāt //
iti śrīmatparamahaṃsaparivrājakasvayaṃprakāśānandatīrthakṛtā
advaitamakarandavyākhyā samāptā//