vācāsūcitaśarvarīratikalā prāgalbhyayā rādhikāṃ /

vrīḍākūñcitalocanāṃ viracayannagre sakhīnām asau //

tadvakṣoruhacitrakelimakarīpāṇḍityapāraṅgataḥ /

kaiśoraṃ saphalīkaroti kalayan kuñje vihāraṃ hariḥ // 1 //

gauraśyāmarucojvalābhir amalair akṣṇor vilāsotsavair nṛtyantībhir aśeṣamādanakalāvaidagdhyadigdhātmabhiḥ //

anyonyaṃ priyatāsudhāparimalastomonmadābhiḥ sadā /

rādhāmādhavamādhurībhir abhitaś cittaṃ mamākramyatām // 2 //