oṃ namaḥ sarasvatyai || oṃ tat sat || śubham

oṃ namaḥ śivāya niśśeṣakleṣapraśamaśāline |
triguṇagranthidurbhedabhavabandhavibhedine ||
diśi diśy amṛtadravaṃ sravantyaḫ prathayantyaẖ kṛtināṃ dṛśaḫ prasādam |
viṣadāḫ prasaranti yasya gāvaḥ sa mahātmā jayati dvijādhirājaḥ ||
svasutasya śiśor yaśodharasya smaraṇārthaṃ vihito mayā śramo 'yam |
upayogam iyād yadi prasaṅgād aparārtho 'pi bhaved abandhyaḥ ||
iha yuktyanugānavadyahṛdyakrama(dṛbdhaḥ) kṛtināṃ harantu vācaḥ |
matijanyalavaṃ lavaṅgajātīphalayuktaḥ savilāsam āsyajanyaḥ ||

oṃ siddho varṇasamāmnāyaḥ ||
asti siddhakramo varṇānām akārādīnāṃ samāmnāyaḫ pāṭho mātṛkārūpaḥ | asti ca pāṇinākhye (pāṇinīyākhye) tantre pratyāhārāsādhitakramaḥ | tatrāniyame prāpte niyamaḥ kriyate iha tantre siddhakrama eva varṇapāṭho vakṣyamāṇasvarādisaṃjñāno ...