... anupasargāt phullakṣīvakṛśollāghāḥ | phullakṣīvakṛśa ullāgha ete nipātyaṃte | yadi upasargāt pare na syuḥ | triphalā viśaraṇe | gatyarthākarmaketi ktaḥ | caraphalor uś ceti utvam nakāralatvaṃ ca nipātyate, phullaḥ kṣīvṛ made | kṛśa tanūkaraṇe lāghṛ sāmarthye, utpūrvaktapratyayasya talopo nipātyate | anupasargād iti kim | praphullaḥ, prakṣīvitaḥ, prakṛśitaḥ, saṃullāghitaḥ, utphullasaṃphullayor nipātanāt | vaktavye-- praphullotphullasaṃphullavyākośavikacasphuṭā iti koṣaḥ | avarṇād ūṭo vṛddhiḥ, avarṇāt parasya ūṭo vṛddhir bhavati bhāvayatīti bhauḥ, yāvatīti yauḥ, bhū sattāyāṃ yu miśraṇe | bhāvataṃ prayuṃkte iti hetāv inakvipkāritalopaḥ vṛddhiḥ dṛbboḥ śūṭāv iti vasya ūṭ | ṭakāraḥ ihārthaḥ anena ūṭo vṛddhiḥ |