fol. 1b

abhavad atirasālaṃ jihma vidyujjaṭālam

pralayajaladajālaṃ yatkṛpālaṅkṛteṣu //

śiśiramukhamayūkhair bhaktasantāpahāra

sa vibuir akhilakālaṃ madṛśāṃ gocaro 'stu //1//

namāmi śrīmadācāryān prabhūn śrīviṭhṭhaleśvarān /

yadṛśau karuṇāpūrṇe mādṛśāṃ sarvasiddhide //2//

tatputrān saha sūnubhir nijagurūn śrīkṛṣṇacandrākayān /

bhaktyā namya pitāmahaṃ yadupatiṃ tātaṃ ca pītāmbaraṃ //

saṃvīkṣyopaniṣatkṛtismṛtigaṇaṃ bhāṣyāṇi sūtrāṇy api /

prasthānair vividhair yutāny atha mayā vādāvalī tanyate //3//

ye tattvadīpabhāṣyaprabhṛtisaukṣmyeṇa susthitā vādāḥ /

yadyetān avatārya prakaṭīkurve 'tra yuktimadvākyaiḥ //4//

śrutiśirasi yasya mahimā nirupadhir īśo 'pi yasya khalu mahimā /

taṃ kṛṣṇam ādimūrttiṃ namāmi niravadya sadguṇaṃ brahma //5//