fol. 207b

svapne mantropadeśaḥ śravaṇaparicitaḥ satya eva prabodhe /

svāpnād eva prasādād abhilaṣitaphalaṃ satyatāṃ prātareti //

satyaprāptis tv asatyād api bhavati yataḥ kiṃ ca tat samprakāśam /

yenedaṃ bhāti sarvaṃ caram acaram athoccāvacaṃ dṛśyajātam // 2 //

svāpnastrīsaṅgasaukhyād api bhṛśam asato yā ca retaścutiḥ syāt /

sādṛśyā tadvad etat sphurati jagadasatkāraṇaṃ satyakalpam //

svapne satyaṃ pumān syād yuvatir iha mṛṣaivānsyoḥ saṃhṛtiś ca /

prātaḥ śukreṇa vastropahatir iti mṛṣā kalpanāmūlam etat // 3 //