𑇛 svasti śrīgaṇādhipataye namaḥ || śrīvāgvādinyai namaḥ ||

oṃ īśvarasyaiśvaro bhāvaḥ krīḍaiveti bhavaṃ bhajan |
jayatād aparāpekṣī vyāvahāsī sadāśivaḥ ||
jñānakriyobhayālambhair yā śaktiḥ pāśitān paśūn |
udahāsītvarudhvanyāṃ (?) numas tāṃ śivadharmiṇīm ||
oṃ guruṃ naumi madasyandipādāmbujararojaniḥ |
jātyandhasyeva yatsaṃgād āloko tīndriyo dṛśoḥ ||
vākyārthānvayatattvajñair bahirantaḥkṛtātmabhiḥ |
gurubhiś śivaśāstrajñair yāvad arthapado sti (vā)? ||
oṃ nātivyastā na saṃkṣiptā nityanaimittikī kriyā |
nivartyate yathā yatra diṅmātraṃ tatra diśyate ||
oṃ pāramparyakramāc śīrṇepy akṛtsnāpi hi kṛtsnavat |
gurvājñāto nirākāṃkṣā darśyate kramapaddhatiḥ ||
karmānupūrvī smṛtaye keṣāṃcid upayoginīm |
śitikaṇṭhas samasyaināṃ vidhatte gurupustikām ||
prasanno mṛdur alpīyān vācako syāṃ samarpakaḥ |
vācyaṃ ca pṛthugambhīram asandigdham akhaṇḍitam ||
upadiṣṭātidiṣṭair vā paribhāṣitakalpitaḥ |
Lupāsyabhūtasvasrotassambhūtais sodarair atha |
vidhibhiḥ pārayet karma vistarād vā samāsataḥ ||
iti saṃkṣepatas tādṛk karma nirvartyate yayā |
adṛṣṭasaṃhitāgādho nadhītaprācyapaddhatiḥ |
syād guruḥ pustikābhyāsān nirākāṅkṣas svakarmaṇi ||
upodghātaḥ |